Risch Gaudenz

Romontsch

Risch Gaudenz (1887 – 1969) ha passentau ina legreivla affonza en siu vitg nativ da Pitasch. Havend frequentau las scolas obligatoricas a Pitasch ed a Glion eis el entraus el seminari scolastic a Cuera. Suenter haver acquistau la patenta da scolast, eis el staus scolast a Luven, Wiehnacht – Tobel, Flond e naven da 1924 aunc 25 onns puspei a Luven.

Risch Gaudenz era maridaus e bab da treis affons, scolast e pur, ed era fetg engaschaus per la veta publica.

Cunquei ch'el era fetg dottaus cun duns musicals, aschia secapeva ei per el naturalmein da surprender il Chor mischedau Luven. Sut sia direcziun cantava il chor mischedau bugen tier diversas occasiuns en vischnaunca, prendeva part a diversas fiastas da baselgia sco era a fiastas da cant regiunalas. Muncavan canzuns adattadas leutier, encureva el sez texts adattai en lungatg romontsch e cumponeva leutier bialas melodias.

Cun ils onns eis ei daventau in legreivel e numerus diember d'atgnas cumposiziuns per chor mischedau e per las scolas.

Sin iniziativa dalla Renania (anteriura Uniun romontscha) ei vegniu ediu igl onn 1959 in cudischet da cant cun sias cumposiziuns.

Deutsch

Risch Gaudenz (1887 – 1969) hatte eine glückliche Kindheit in seinem Heimatdorf Pitasch. Nachdem er die obligatorischen Schulen in Pitasch und Ilanz absolviert hatte, entschied er sich das Lehrerseminar in Chur zu besuchen. Als er das Lehrerpatent erworben hatte, war er Lehrer in Luven, Wiehnacht – Tobel, Flond und von 1924 noch 25 Jahre wieder in Luven.

Risch Gaudenz war verheiratet und Vater von drei Kinder, Lehrer und Landwirt und interessierte sich sehr für das öffentliche Leben.

Da er eine grosse musikalische Ader hatte, so war es für ihn selbstverständlich den gemischten Chor Luven zu übernehmen. Unter seiner Leitung sang der gemischte Chor gerne bei diversen Veranstaltungen im Dorf, nahm an diversen Kirchenfesten sowie an regionalen Gesangsfesten teil. Fehlten manchmal passende Lieder zu der einen oder anderen Gelegenheit, so suchte er passende Texte in romanischer Sprache und komponierte dazu schöne Melodien.

Mit den Jahren entstand eine erfreuliche Anzahl eigener Kompositionen für gemischten Chor und für die Schule.

Auf Wunsch der Renania (ehemalige romanische Vereinigung) wurde im Jahre 1959 ein Gesangsbüchlein mit seinen Kompositionen herausgegeben.